மேலவளவு உழவர் உற்பத்தியாளர் குழு: AUG 2019 மேலவளவில் குறு சிறு விவசாயிகள் சான்று முகாம்

9/8/2019, வெள்ளி கிழமை மேலவளவில் உழவர் உற்பத்தியாளர் குழு சார்பில் சிறு விவசாயிகள் சான்று வழங்கும் முகாம், நுண்ணீர் பாசன திட்ட விண்ணப்ப மேளா, நடமாடும் மண் பரிசோதனை முகாம், நீர்வடிப்பகுதி மேம்பாட்டு முகமை மூலம் வழங்கும் 50% மானியத்தில் ஆழ்துளை-கிணறு, பாசன குழாய்கள், மின் மோட்டார்கள் பெற தகுதியானவர்களுக்கு பதிவு ஆகியவை நடைபெற்றது.

குழுவின் செயலாளர் சிதம்பரம் தலைமையில் குழுவின் பொருளாளர் சௌந்தரராஜன் மற்றும் குழு உறுப்பினர்கள் முன்னிலையில் நிகழ்வுகள் நடைபெற்றன.

நிகழ்வுகளில் 500க்கும் மேற்பட்ட மேலவளவு பிர்கா விவசாயிகள் கலந்துகொண்டனர். 200க்கும் மேற்பட்ட விவசாயிகளுக்கு வருவாய் துறை அதிகாரிகள் உடனடியாக குறு சிறு விவசாயிகள் சான்று வழங்கப்பட்டது சிறப்பம்சமாகும்

மேலும் அடங்கல் தேவைப்பட்ட விவசாயிகளுக்கு உடனடியாக சம்பந்தப்பட்ட கிராம நிர்வாக அலுவலர்கள் நேரடியாக வழங்கி வேளாண்மை மற்றும் தோட்டக்கலை சார்ந்த நுண்ணீர் பாசன திட்ட விண்ணப்ப பதிவிற்கு உதவினார்.

நீர்வடிப்பகுதி மேம்பாட்டு முகமை ரா.ராஜபாண்டி அவர்கள் விவசாயிகளிடையே 50% மானியத்தில் ஆழ்துளை-கிணறு, பாசன குழாய்கள், மின் மோட்டார்கள் பெற விவசாயிகளுக்கு தேவையான ஆலோசனைகளை வழங்கினார்.

முகாமிற்கு வந்த அனைத்து விவசாயிகளும் நடமாடும் மண் பரிசோதனை நிலையத்தை பார்வையிட்டனர். நிர்வாகிகள் விவசாயிகளுக்கு மண் பரிசோதனையின் முக்கியத்துவம் குறித்த விழிப்புணர்வை ஏற்படுத்தினார்கள். மேலும் 30க்கும் மேற்பட்ட விவசாயிகள் தங்கள் நிலங்களின் மண் மாதிரி மற்றும் தண்ணீர் மாதிரிகளை கொண்டுவந்து நடமாடும் மண் பரிசோதனை நிலையம் மூலம் சோதனை அறிக்கையை பெற்றுக்கொண்டனர்

வருகை தந்த அதிகாரிகள்